Oekraïens taegenoffensief in Charkov
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel is gesjreve in 't AGL.
De Oekraïense armee haet bevestig det ze e groetsjalig taegenoffensief is begós inne regio Charkov, dae veur e deil bezat is door Róslandj. Volges de Oekraïense prizzedent Zelensky zint daobie zeker 30 plaatse en óngevier 3.000 veerkante killemaeter landj heroverd gewaore op de Rósse. Es det waor is, höbbe de Oekraïners in e paar daag tied e gebeed bevried wat get groeter is es Belsj Limbörg. De Rósse höbbe inmiddels bevestig det ze zich oet e groet gedeilte vanne regio höbbe truukgetrókke veur de troepe te hergroepere en in te zètte in d'n Donbass.
Twie doelwitte inne regio zint de sjtaej Koepjansk en Izjoem. Koepjansk is e wichtig sjpaorwaegknouppunt en Izjoem is 'n rilletief groete sjtad. Veur de Rósse beteikent dit det nuuj zjwaor kriegsmatterjaal neet mie via de regio Charkov kan waere aangeveurd, waodoor zie dutelik in 't naodeil zint.
Dit is neet 't einige Oekraïense taegenoffensief. Óngevier twie waeke truuk höbbe de Oekraïense sjtriedkrachte e offensief aangekóndig inne zujelike regio Cherson. Ouch dao höbbe ze al dörper heroverd op de Rósse en liekene ze ederen daag bietje bie bietje terreinwins te boke. Det taegenoffensief sjtóng al lank oppe agenda. 't Offensief inne regio Charkov daoentaege woort veur zoewied bekindj neet aangekóndig, meh is eigelik gein verrassing. Inne aafgeloupe waeke höbbe de Rósse väöl troepe nao 't zujelik front verplaats, waodoor de Oekraïners de Róssische posities in 't noordoeste lankzaam en sjtruktureel höbbe verzjwak. Wiejer sjpele ouch de westerse HIMARS-systeme 'ne wichtige rol. Daomit waere ouch Róssische doele wied achter 't front aangevalle.
Kiek ouch[bewirk | brón bewèrke]
- Oekraïens taegenoffensief in Cherson begós
- Róslandj book veuroetgank in d'n Donbass, mie hölp veur de Oekraïne
- Róssische armee vèlt de Oekraïne binne
Brónne[bewirk | brón bewèrke]
- ‘Russen slaan massaal op de vlucht’. Redaksie De Limbörger, 11 september 2022
- Russian Offensive Campaign Assessment, September 10. Kateryna Stepanenko, Grace Mappes, George Barros, Angela Howard & Mason Clark, Institute for the Study of War - 10 september 2022
- Ukrainian forces enter key city of Izium in a sign Kyiv's new offensive is working. Ivana Kottasová, Tim Lister, Yulia Kesaieva, Denis Lapin, Josh Pennington & Victoria Boetenko, CNN - 11 september 2022
Dit artikel besleit aad nuujs en maak deil oet van oos arsjief van nuujsberichte.