Róssische armee vèlt de Oekraïne binne
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
_en.png)
- Dit artikel is gesjreve in 't AGL.
De Róssische armee vèlt vanoet Rósland, Wit-Róslandj en de Krim Oekraïne binne. De invasie begós inne nach van 23 op 24 fibberwarie, kórt nao 'n toesjpraok vanne Róssische presidentj Poetin. Poetin haet dao-in 'n "sjpeciaal militair operasie" aangekóndig. In zien toesjpraok besjöldigde hae de regering in Kiev wiejer van "genocide" en "mishanjeling" van etnische Rósse in de Oekraïne.
De aanvalle liekene zich te richte op de militair infrastructuur vanne Oekraïense armee. In 't ganse landj woorte vanmörge versjillende doele gebombardeerd. De Oekraïense presidentj Volodymyr Zelensky haet börgers opgerope kalm te blieve.
De aanvalle kómme neet gehiel ónverwach. Al saer de Maidan-rivvelutie van december 2013 en 't begin vanne krieg in d'n Donbass in 't veurjaor van 2014 is de relatie tösje bei lenj sjlech. De lètste jaore goof 't dökker e sjtaak-'t-vure in dae regio, mer saer 't naojaor van 2021 is de situasie weer ónröstig. Boetedet lepe de sjpanninge ouch op door d'n troepenopboew ane grens mit Oekraïne en de erkènning van de volksrippblieke aafgeloupe maondig 21 fibberwarie. Dao reje inne nach van maondig op dinsdig al de ierste tanks 't gebeed binne in 't kader van 'n "vraejesmissie".
Kiek ouch
[bewirk | brón bewèrke]Brónne
[bewirk | brón bewèrke]- Russia launches invasion of Ukraine. BBC (live), 24 fibberwarie 2022, wiezigingsdatum 24 feb. 2022, 10:42
- Zo kondigde president Poetin de invasie in Oekraïne aan. Nu - 24 fibberwarie 2022
Dit artikel besleit aad nuujs en maak deil oet van oos arsjief van nuujsberichte.