Zeker drieëndertig doeaje bie dimmenstraasjes in Irak
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 5 oktoeaber 2019 - Bie geweldjheftige kónfrontaasjes tösse dimmenstreerders enne regering in Bagdad en anger Irakese stej zeen de litste paar daag zeker drieëndertig luuj doeadgebleven en zoea achhóngerd luuj verlets wore. De Irakese veiligheidstroeppe höbbe sjerp gesjaoten oppe dimmenstreerders en brookdje traongaas. Dit passeerdje ónger anger op 't Tahrirplein. Toette doeadgesjaote slechoffers behuuere de spotteikenieër Hoessein Adel Madani en zien vrouw. Dizmörge zówwen inne Greun Zaon - e speciaal distrik in 't centrum van Bagdad wo ieëre de allieerdje häör houfkentoear hawwe - ouch twieë ómploeffinge gewaes, meh dao haet me gein slechoffers vasgelag.
De Irakese regering haet 'n aovendjoer ingestaldj es eine vanne maotregele taenge d'n ónras in Bagdad en anger deiler van 't landj, die aevel inne houfstad waere genegeerdj. Ouch is gans 't internèt aafgeslaote dore regering; tródsdet lökdjen 't dimmenstreerds väöl beeljer te verspreien op Twitter.
't Is d'n derdjen daag op rie det 't dimmenstraasjes taenge de regering guuef in Irak. De dimmenstreerders zeen veural jóngere die de werkeloeasheid, de slechte verzeningen enne corrupte regering zat zeen.
Zuuch ouch
[bewirk | brón bewèrke]Brónne
[bewirk | brón bewèrke]- Dit artikel is gooddeils gegrundj op dan euvergezatj vanoeten taengenhenger oppe Nederlandjse Wikinuujs (versielink).
Dit artikel besleit aad nuujs en maak deil oet van oos arsjief van nuujsberichte.