Vol terrasse in Valkeberg: demonstratie tege lockdown
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
Valkeberg - De Valkebergse binnesjtad woort aafgeloupe vriedig drök bezoch. Winkels en horeca dege oet protes tege de lockdownmaotregele van 10 bis 16 oer de deure ope, wat veur vol terrasse zörgde.
De aksie woort gesjteund door börgemeister Daan Prevoo dae dees es 'n 'demonstratie' betitelde, gemeind veur 't kabinet nog veur de persconferentie van vriedigaovend op ander gedachte te bringe. Zelfs 't landelike nuujs woort gehaold. Börgemeister Prevoo waor dónderdigaovend te gas in 't praotprogram Op1 op NPO 1. Dao-in maakde hae dudelik dat tiedes de lockdown gedemonstreerd maag were es me rekening hèlt mèt de coronamaotregele. Veur zoawied bekind hele alle neet-essentieel winkels en horecazake ziech aan die regels en waor de sjfeer gemuutlich.
Op de rame hónge affiesjes mèt tèks: "Valkenburg aan de Geul aan de geng". Dat de regering noe mèt versoepelinge kump veur winkeliersj en neet veur de horeca, vinge horeca-eigenaersj meujlik te verkroppe. De financiële noad ies hoag en dat kump neet allein door corona, meh ouch door de watersnoad van juli veurig jaor. Nao euverlèk mèt de óndernummersj zint daorum de deure opegegange.
Valkeberg ies neet de einige gemeinte woa geprottesteerd woort tege de lockdown. Ouch in Zitterd en Mesjtreech zint luuj de sjtraot opgegange en ginge de deure ope van winkels en horecazake,
Kiek ouch
[bewirk | brón bewèrke]Brónne
[bewirk | brón bewèrke]- Valkenburg aan de GENG: demonstratie tegen lockdown PLUS VIDEO. Fons van Winteraeken, TV Valkenburg - 14 jannewarie 2022
- Volle terrassen in Valkenburg op protestdag tegen lockdown. Persbureau ANP & Merijn Metsemakers, 1limburg - 14 jannewarie 2022
Dit artikel besleit aad nuujs en maak deil oet van oos arsjief van nuujsberichte.