Leechter en dans es protes taenge coronamaotregels in Zitterd en Mestreech

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 13 jannewarie 2022 - Goonsdigtenaovendj zeen luuj de straot opgegangen in Zitterd en Mestreech. Det dieëje zie veur te próttestere taenge d'n toesmiet dore corona. De proteste wore sónger geweldj en ómstenj en wore fieëstelik van aard, mit 'ne leechtrèk dore straoten en dansendje luuj.

In Zitterd haw me goonsdigtenaovendj 'nen opwermer veur zaoterdig. Dan gaon es protes de deuren aop van gesjefter enne horeca. Tieëntaal aan luuj komen in 't centrum biejein veur te próttestere taenge de strangen toesmiet. Nao e good verloup woort 't protes oppe Mert aafgeslaote mit zwejjendje leechskes, winkendje henj en dansendje dimmenstrante.

In Mestreech waas 't al de veerdje waek achterein det de leechtrèk organizeerd woort. Ummertoe mieë luuj lieke zich aan te sloete bie 't protes. De vurge waek lepen in Mestreech fieftig luuj mit. Ónger die zitte väöl óngernummers die häör gesjefter trögk aop wille. d'n Trèk leep van 't Vriethaof de winkelstraoten in en trögk 't plein op. De wanjeling waardje 'n ruum half oer.

Brónne[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.