Opvanglocaties geäöpend in Mael, Bree en Niej-Berge
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
VENLO - Mier Limbörgse lokaties äöpene eur deure veur Oekraïense vlöchtelinge. Bree, Mael en Niej-Berge heite binnekort luuj die d'n oorlog óntvlöchte wilkóm.
In Mael kump 'n opvangplek op 'ne veurmalige camping. Óngevier hónderd persoeëne waere heej gehoesves. Daoveur waere mierdere vekansie-units gebroek.
Twie groopswoeëninge van stichting Daelzich op de Heierveldlaan in Bree gaon 15 wies 20 volwassene en kinder opvange. "Beide opvanglokaties zien in beginsel wies 't veerde kwartaal van 2022 beschikbaar veur d'n opvang van luuj oet de Oekraïne," zaet 'ne waordveurder van de gemeinte Pieël en Maas.
Ierder woort bekind det ouk Niej-Berge 'ne noeëdopvang organiseert. Dae is noow gereid. Mit hölp van 't Roeëje Kruus wuuert de lokatie ingerich mit veldbedde. De vlöchtelinge verblieve heej maximaal 72 oor, waonao zeej örges anders in 't land 'n nieje verbliefplaats toegeweze kriege.
De noeëdopvang is donderdaag gereid. "Vanaaf det moment kinne heej vlöchtelinge verblieve," zaet 'ne waordveurder van de gemeinte Berge. 't Is neet bekind wievuuel vlöchtelinge nao Niej-Berge kómme. Op 't moment guuef 't dao plek veur hónderd wies twieëhónderd minse. De luuj verblieve in de sporthal en de evenementezaal.
Ierder woort in Haors 'ne sporthal aangeweze as noeëdlokatie. As dees lokatie vol is, waere luuj euvergeplaats nao Niej-Berge.
Limbörg mót veuresnog plek beje aan 2000 Oekraïners. Inmiddels zien 't MECC in Mestreech, de sporthal in Gelaen en de veurmalige kazerne in Wieërt (ouk 'n veurmalig asielzeukerscentrum) in gereidheid gebrach gewaore. Daonaeve guuef 't ouk klender plekke wao vlöchtelinge waere opgevange.
Kiek ouch[bewirk | brón bewèrke]
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.