Egypte duit tiedes de Ramadan de grens mit de Gazasjtroek aope
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
18 mei 2018 - d'n Egyptische prizzedènt Sisi haet de grens tösje Egypte en de Gazasjtroek aopegesjtèld bie de plaats Rafah. Dees aopesjtèlling krieg d'n doer van ein maond, ómdet tiedes dees maond de Ramadan vèlt. Det maakde de prizzedènt bekènd op Twitter. Dees aopesjtèlling geld as de langste in jaore tied.
Egypte haet besjlaote de grens te sjlete, naodet bleek det 't toenaemend aantal aanvalle in de Sinaï in 2013 waerde veroerzaak door Palestiense terroriste. De Gazasjtroek weurt veur e groet deil geregeerd door de Hamas-bewaeging, 'n terroristische organisatie die is gelieerd aan de Egyptische Moslimbroorsjap, die dao verbaoje is. De aopesjtèlling van de grens is dan ouch oetzunjerlik te neume, en hèlt veural verbandj mit de proteste taege Israël en 't recèntelik verplaatse van de Amerikaanse ambesaad nao Jeruzalem.
Sisi äöpent de grens óm "de las van oos breurs te verlichte". 't Geuf veural e gebraek aan boewmatterjale en sjlechten toegank tót medische zörg. Det kump doordet Israël de grens hermetisch aafgesjlaote hèlt.
Brónne[bewirk | brón bewèrke]
- Egypte doet grens met Gaza open: langste openstelling in jaren. NOS Nieuws, 18 mei 2018
- Egypte opent grens met de Gazastrook tijdens ramadan. Jurriaan van Eerten - NRC, 18 mei 2018
- Sisi opent Egyptische grens met Gaza. Dagblad van het Noorden, 18 mei 2018
Dit artikel besleit aad nuujs en maak deil oet van oos arsjief van nuujsberichte.