Amerikaanse ambesaad geäöpend in Jeruzalem
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
15 mei 2018 - De Amerikaanse ambesaad in Israël is vandaag - d'n daag det Israël as sjtaot precies 70 jaor geleje waerde opgerich - officieel geäöpend in Jeruzalem, nao te zeen versjörg vanoet Tel Aviv. De sirremonie gebeurde in 't biezeen van mierdere vertaegeweurdigers van 't Wit Hoes. Ónger hun waas Ivanka Trump, de dochter van d'n Amerikaanse prizzedent Donald Trump, dae aafgeloupe december Jeruzalem tót huidsjtad van Israël verklaorde. Zie en häöre mins Jared Kushner (dae door Donald Trump is aangesjtèld gewaore es vraejesbemiddelaer in 't Midde-Oeste) wore aanwaezig as ieregaste. D'n Amerikaanse prizzedent waas zelf neet aanwaezig, mer sjikde waal 'n videobesjeid oet woerin hae Israël fillesiteerde. Ouch d'n Amerikaanse minister van Financieje Steven Mnuchin waas aanwaezig. Van de Europese leiders waas bienao niemes aanwaezig. 't Besjloet van Trump óm Jeruzalem oet te rope tót de huidsjtad van Israël is euver 't algemein sjlech gevalle, aangezeen vraeje tösje Israël en de Palestiene hiemit allein mer wiejer oet 't zich liek te zeen gekómme.
Tegeliekertied mit de fiestelike äöpening van de ambesaad vónje vandaag in de Gazasjtroek grelletige confrontaties plaats tösje demonstrerende Palestiene en 't Israëlisch leger. Aan de Palestiense kantj zeen mier as 50 doeje gevalle en mier as 1000 gewónje.
Brónne
[bewirk | brón bewèrke]- Opinieblog - Nederland was niet bij opening Amerikaanse ambassade Jeruzalem. ‘Dat is laf gedrag’. De Volkskrant, 14 mei 2018
- Ivanka Trump en man in Jeruzalem voor opening ambassade. NOS Nieuws, 14 mei 2018
- Opening of US embassy in Jerusalem attended by Ivanka Trump, Jared Kushner, Ted Cruz, others. Kaitlyn Schallhorn - Fox News Channel, 14 mei 2018
- US opens new Embassy in Jerusalem as dozens killed in Gaza clashes. CNN, 14 mei 2018
Dit artikel besleit aad nuujs en maak deil oet van oos arsjief van nuujsberichte.