Zwarte blajer bie windjmeules veur vogelsterfdje taenge te gaon
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 7 november 2020 - De pervinsje wiltj gaon kieke veur mit te doon aan 'n proof wobie ei vanne meuleblajer vanne windjmeules zwart gevèrf wuuert. Det zów namelik daoveur zorge det minder veugel daotaengenop vlegen en daodoor kepot gaon. 'n Óngerzeuk haet oetgeweze det wen ei vanne blajer zwart is, toet waal 70% minder veugel doeadgaon. Waal mót nag óngerzóch waere waat wiejer 't effek is veure versjeienheid aan ecologie inne ómgaeving.
Dao is 'n motie ingedeendj door GreunLinks, die is aangenómme. Me geit kieken of m'n in aanmirking kump veure proof; ofwaal in e bestäöndj windjpark, of in e nuut. Dees proof is in edere val nannoeatj oetgeveurd in Nederlandj.
't Zwertsele van ei vanne meuleblajer zów mit naam good oetpakke veur roufveugel en ule die zeuke veur 'n proeaj; dees kómme te boetsje mitte windjmeule doordet die bie 't jae meis nao de gróndj kieke.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.