Zwaor ónwaersbuien innen aantrèk; meugelik weer watereuverlas
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 29 mei 2018 - 't Liek weer 'ne werme, straolendjen daag te waere, mer inne middig sleit 't waer óm. Door fikse ónwaersbuien is sjans op lokaal väöl watereuverlas.
Dewiel versjillige plaatsen in Zuud-Limbörg nag drök besjeftig zeen mitte aafhanjeling vanne watereuverlas van ieëre, liek 't d'rop det 't dizdaags oppernuuj duchtig geit raengere. 't KNMI haet veur alle pervinsjes de code gael aafgegaove.
Oppe middig en innen aovendj trèkke lankzem zwaor ónwaersbuien euver Limbörg. De zwaorste buie waere verwach in 't zujen en in 't oeaste. Doordet die lankzem euvere pervinsje trèkke kan 't op plaatse gaon raengere wie e bieës, dewiel 't get wiejerop kórkedruueg blief. 't Kan zeen det plaatselik zoea 80 toet 100 millimaeter aan raenger vèltj. Ouch kan 't gaon haachele.
Veurdet 't zowied is zal de zón zich tuuene. De temperatuur stieg al snel toet 'n graod of 31. 't Zal veural plekkerig aanveule, ómdet de lóch vöchtig is.
Brón[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.