Zeve nuuj coronadoeje brènge totaal in Belsj-Limburg op 302

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Dit artikel sjteit gesjreve in 't AGL.

Inne Limburgse krankehoezer zien opnuuj zeve coronapatiënte gehiemeld. Det brèngk 't totaal aantal doeje inne krankehoezer op 302. Minstes 901 coronapatiënte kóste al oet 't krankehoes weure óntsjlage.

't Coronavirus haet inne Limburgse krankehoezer opnuuj sjlachoffers gemaak. Zoe sjtórve inne krankehoezer alweer zeve coronapatiënte. 't Sint-Franciscuskrankehoes in Heusde-Zolder woort mèt drie nuuj gehiemelde 't hels getroffe.

De totaal doejebalans sjteit dao noe op 48. 't Krankehoes van Hasselt telt nog ömmer 't hoegste aantal corona-gehiemelde (78), wiewaal 't krankehoes van Sintruin mèt 75 coronadoeje ouch biezónger hel getroffe. In 't Genker krankehoes gief 't 46 sjtörfgevalle, in 't krankehoes van Tóngere en Mezeik respectievelik 22 en 21. In 't Mariakrankehoes in Pelt goof 't tot begin april 12 gehiemelde.

Brónne[bewirk | brón bewèrke]



Dit artikel besleit aad nuujs.