Zenger en gitaris René Innemee (69) gestórve
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 11 dieëtsember 2020 - De Mestreechter zenger René Innemee, veural bekindj van bands wie The Walkers, The Press, Underberg en The Creedence Revival Band, is dónderdig op neugenensèstigjäörige laeftied ónverhöds gestórve.
Zien internasjenaal karrejaer begós in 1972 bie The Walkers, wo d'r de internasjenaal hit There's no more corn on the brasos mit maakdje, naeven anger hits wie Dance of love en Taboo. Mit zien solokarrejaer haw d'r nag hits mit Oh lonesome me en Jack of diamond.
Same mit zie broor Jean Innemee mit The Walkers, Rainbow en The Classics wón d'r in 1977 't alderieëste LVK mit 't leedje Vaan Eysde tot de Mookerhei. In 1988 wuuert The Walkers ómgevörmp nao The Press, wo Walter Nita de solozank veur raekening nump.
In 1983 sjèdj t'r oet mit The Press and geit t'r mieë richting countryrock. Inne jaore neugentig rich t'r de Revival Band op worin d'r mit naam covers vannen Amerikaanse band Creedence Clearwater Revival speeltj. Zien stum en zie gitaarspeel hawwe namelik väöl eweg van die vanne veurman van CCR, John Fogerty. In 2009 veel d'r nag in veur zie toe al gestórve broor bie d'n 11devande11de en in 2015 nans bie zeve riwweniekónzaers van Carboon.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.