Zeker 86 doeje bie gevechte in Centraal-Nigeria tösje christene en moslims
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
28 juni 2018 - In Plateau, 'ne sjtaot in Centraal-Nigeria, zeen de aafgeloupe waek bie grelletig geweld tösje de christelike boere en de islamitische sjiepers zeker 86 doeje gevalle. De gewelddäöjige confrontaties begóste de veurige waek op dónderdig, toe Berom-boere 'ne groep Fulbe-sjiepers aanvele en vief van hun doejde. Bie de wraakacties die hieop volgde vele nog èns teentalle doeje; ouch waerde hoezer en veurtuge in brandj gesjtaoke. Intösje is in versjillende dörpe in Plateau 'n aovendjklok ingesjtèld gewaore.
In 't betreffende gebeed hiers al jaorelang groete sjpanning tösje de versjillende etnisch-religieuze groepe, die jeder óm hun eige territorium sjtrieje. 't Aafgeloupe jaor zouwe es e gevolg van 't geweld tösje dees groepe in totaal doezjende doeje zeen gevalle (det is mier es door 't geweld van Boko Haram). In Centraal-Mali zeen recèntelik bie saortgeliek geweld tösje de Fula en de Dozo minstes 32 doeje gevalle.
Brónne
[bewirk | brón bewèrke]- Zeker 86 doden bij gevechten tussen boeren en herders in Nigeria. NOS Nieuws, 25 juni 2018
- Nigeria's Plateau state clashes leave 86 dead. British Broadcasting Corporation, 25 juni 2018
- Mali Fula villagers were killed 'in cold blood'. British Broadcasting Corporation, 24 juni 2018
Dit artikel besleit aad nuujs en maak deil oet van oos arsjief van nuujsberichte.