Zate passenzjeer vasgezatj in Lónje nao bedreiginge óp 'ne transatlantische vlöch

Veug links toe
Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

vriedig, september 23, 2011

Trök nao de veurpagina
spelling: Hoeaglèmbörgsj - Durchzettingssp. - Internasjonalspelling

'ne Britse Lóchwaeg Airbus A320-100.

Timothy Bradley, 'ne 32-jäörige hypotheekadvisäör oet Phoenix, Arizona, haet zich sjöljig bevónje aan d'n aanklach van gewèldjdäöjigheid en drónkesjap óp 'ne vleger. Hae kreeg drie maondj inne gevangenis. De rèchter Richard McGregor-Johnson zag det zie gedraag óppe vleger "dóm" gewaes waar.

De jurie hoort det Mr Bradley gedrónke had mit vrönj veure vlöch oet Phoenix, Arizona. Hae had beer en bourboncocktails gehad en bleef daomit doorgaon tiedes de vlöch nao Lónje Heathrow. Hae begós ouch óp te kalle taenge 'n vroew van 't cabienperseneel inne businessclass vanne vleger — Charlotte Howell, zoea hoort 't gerèch, veuldje zich ónconfortabel en woort vervange door 'ne mennelike collega, Stuart Williams. Williams weigerdje óm de zakeman mieër alcoholische drank in te sjödde. Bradley zag, "Wae bös doe in G*dsnaam óm mich te berèchte? Doe kins mich G*dsamme gaar-oet neet; wie aad bös se? Ich staek de pilote waal neer es ze det wille.".

Nao 't veurval, verklaordje 'ne waordveurder vanne Britse Lóchwaeg: "Weer tollerere gein abusievelik gedraag taenge ózze stâf of ós klantje. Zie gedraag bleef kónstant ónacceptable en de polies mós óppe vlöch te pas kómme."

Nao de lanjing woort t'r gearresteerdj dore polies en vanne vleger aafgenómme.

Naodet t'r 32 daag in veurarres gehaje woort, kreeg t'r wiejer nag twieë maondj inne gevangenis. Bie 't gaeve van 't vonnis zag de rèchter: "Doe waas door en door abusievelik, dreigendj, dóm ópmirkinge 'nt make nao versjèllendje luuj en Mason ('t houf van 't cabienperseneel) haet dich dudelik veurgelag det se 'm leets dinke det se-n 'm wóls aanvalle."

Brónne[bewirk | brón bewèrke]



Aafkómstig van "https://li.wikinews.org/w/index.php?title=Zate_passenzjeer_vasgezatj_in_Lónje_nao_bedreiginge_óp_%27ne_transatlantische_vlöch&oldid=8511"