Zaach wintjerwaer zörg veur leger gaasraekening

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 9 jannewarie 2020 - De betrèkkelik hoeag temperature vanne aafgeloupe waek zörge daoveur det de staokköste vanne hoeshajes bao 5 percent leger oetkump es de naom is. Vernoe blieve dees hoeag temperature aanhaje; zoea blief 't snachs in Limbörg nag ummer zoea tieën graod.

Lenjelik gezeen is mit twieëóngerhalf miljoen klantjen Essent de grótsten aanbejer van innerzjie. Zie höbbe laote weite det tössen 1 dieëtsember en 6 jannewarie e gemiddeldj hoeshaje 41 kuub gaas minder haet gebroek es 't gemiddeldje vanne aafgeloupe dertig jaor inne zelvendjen tied.

Mit dees ciefers bespaartj 'n hoeshaje door 't zaach wintjerwaer zoea 30 euro oppe gaasraekening, mer 't kan good zeen det me nammieë geit bespare. Zoea is 't veurspaldj det 't de kómmendje nachte waal get geit aafkeule mit zelfs lichte nachvreer van vriedig op zaoterdig, meh daorop geit de temperatuur trögk ómhoeag. Veural de nachte waere zaachter, dewiel de temperatuur euveren daag róndj de 12 a 13 graod blief.

Brónne[bewirk | brón bewèrke]



Dit artikel besleit aad nuujs.