Zèt brandjwaer in taengen eikepercèsjeroeps

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 15 junie 2018 - Gemèndje die de bestriejing vanne eikepercèsjeroeps nimmieë kónne bolwerke, kónne bèstes de hölp inrope vanne brandjwaer.

Daen raod guuef 't Kènniscenter Eikepercèsjeroeps vanne Wageningen Universiteit. 't Center wuuertj euverspeuldj door tillefuuenkes van börgermeisters die mitte henj in 't haor zitte.

De euverlas vanne roepsen is dit jaor erger es oeatj ieëre, ónger anger dore wurmdje vannen aafgeloupen tied. Ouch is op väöl lokaasje bezunig woren oppe bestriejing, wodoor aaj ister zeen gebleve zitte. Det lèdj 't jaor d'rop toet 'n verviefveljiging van 't aantaal aan roepse.

Wiejer guuef 't e tekort aan bestriejer. Aldus 'n waordveurderin is in Pruusjes d'n inzat vanne brandjwaar al gebroekelik bie 't verdelge vanne eikepercèsjeroeps. 't Veurdeil is det brandjwaerluuj besjurmendje pakker höbbe.

Ederen eikepercèsjeroeps is bezatj mit 700.000 brandjhaore, die bie aanraking klachte veroearzake wie pitsj, hoedoetslaag, irritaasje ane ouge of ane lóchwaeg. De brandjhaore kónne verwejjen en terechkómmen op festivalterreins, zwumpeul en kempinge.

Ouch de organisaasje van Pinkpop haet maotregele mótte trèkke. "Aafgeloupe goonsdig is al 'nen houp eweggehaoldj", vertalj Smeets ieëre. "V'r kènnen oos terrein netuurlik en v;r hïbbe ouch ans in 't vergangene daomit te make gadj."

Brón[bewirk | brón bewèrke]



Dit artikel besleit aad nuujs.