Zèstieënjäörige jóng opgepak veur staekpartie in Zaerem
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 14 april 2018 - De pliesse höbben inne nach van vriedig op zaoterdig 'ne zèstieënjäörige jóng oet Haors opgepak in verbandj mit 'n staekpartie in Zaerem wobie twieë luuj verlits woorte.
De staekpartie haw saoterdigs plaats róndj 01:45 oere bie e jóngercentrum aan De Donckstraot in Zaerem.
E kónflik tösse twieë gruup waas te plaats oetgemundj in 'n vechpartie. Toe agente de twieë partiejen oeterein hawwe gehaoldj bleke twieë persoeane verlets te zeen wore. 'nen Achtieënjäörige jóng oet Zaerem haw 'n staekwónj in zien brós. 't Slechoffer woort de krankewage nao 't krankenhoes gebrach. Dao is t'r behanjeldj woren aan zien verwunjinge. De jóng haet saoterdigs 't krankenhoes weer verlaote.
'ne Neugentieënjäörige manskaerel, ouch oet Zaerem, loop mieëder verwunjingen op bieje staekpartie. Hae woort te plaats behanjeldj.
De pliesse höbbe de gegaeves van mieëder betr'pochte luuj opgeteikendj. Zie waere de kómmendje daag gevraog zich te meljen op 't pliesseburo. Aanhandj de getuugverklaoringe haope de pliesse te achterhaole waat próntj is gebeurdj.
'ne Zèstieënjäörige jóng oet Haors zitj nag vas.
Dit artikel besleit aad nuujs en maak deil oet van oos arsjief van nuujsberichte.