Woonzörgcentrum in Wieërt veur e deil evacueerdj nao brandj

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


(lagerfoto)

MOFERT - 22 dieëtsember 2018 - In 't woonzörgcentrum Zuyderborgh, ane St. Jozefhaof in Wieërt is saoterdis smörges 'ne brandj óntstange wodoor ach appartemènten óntruump zeen gemótte. De brandj óntsting róndj 06:20 oere inne berging wo scootmobiels en fietsje waere gestaldj. De weuninge die óntruump zeen gewaore zeen intösse trögk vriegegaeve.

De brandj is wersjienlik óntstange door 'ne kepótte scootmobiel. Ieëren in september waas hie ouch al 'ne brandj óntstange doordet d'n accu van 'ne lektrikscootmobiel vlam kreeg. Al snel nao 't óntstaon vanne recènste brandj kwaam väöl rouk vrie, waat zich versprèdje dore appartemènte van zelfstenjig wonendje biejäörden en daorop lèdje det de brandj woort opgesjäöldj toet 'ne middelbrandj. De beweuners van die appartemènte woorte tiejelik opgevange bie 't Landj van Horne.

De brandjwaer verrichdje maetingen inne weuningen en haet die wen benuuedj mit 'ne wejjer oetgeblaoze zodet eventueel sjajelike euverbliefsele vanne rouk neet bleve hange.

Twieë krankewages stinge veur peraat veur es emes neet tegooj zów zeen gewaore, meh det bleek oetèntelik neet nuuedig te zeen gewaes.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.