Witte hirte Neejwieërt doeadgebete door 'ne wouf
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 19 mieërt 2021 - De drie witte hirte die begin fibberwarie doeadgebete woorten in Neejwieërt zeen te proeaj gevalle van 'ne wouf. Det bliek oet e DNA-óngerzeuk in opdrach vanne pervinsje. E vrouwmis vónj de bieëster inne bós achter zien hoes. Bie 't eint waas de kael doorgebeten en bie 't angert waas de boekhäöldje oetgevraete. Zie bedach zich al det dit 't werk kós zeen van 'ne wouf.
't Óngerzeuk is wiejer doorgetroch en 't bliek det dae wouf al dökker toegeslagen haet inne ómstreke. Ouch haet t'r op 21 jannewarie twieë sjaop doeadgebeten in Neejwieërt, op 25 fibberwarie ei gesjaop in Roeaj en veer daag d'rop nans twieë sjaop in Neejwieërt. Op 22 fibberwarie haet me nag e doead damhirt vónjen in Neejwieërt, mer 't óngerzeuk of det ouch 'n proeaj vanne wouf gewaes is, is nanneet aafgemaak.
't Vurrig jaor in november haw 'ne wouf 'n sjaopsklóch aangevallen in Afferde. Daobie zeen ach lemkes zwaor toegetakeldj wore.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.