Wit poejjer en geldj vónjen in hoes Brach
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 24 julie 2021 - Edónderdig höbbe de pliesse e deil plestiekke tuutjes mit crack, get staepelkes van envelöpkes mit cocaïne, kóntant geldj en ónwèttelik vuurwerk vónjen in 'n weuning ane Meulewaeg in Brach. De fieërtigjäörige manskaerel en 't einenvieërtigjäörig vrouwmis die dao wore zeen opgepak.
De pliesse hanjeldje naodet die versjeie meljinge gekregen hawwe det drugs gehanjeldj zów waere vanoet det hoes. Dao-op kome zie mit 'n speciaal klóch die specialiseerd is in verduivendje middele. Twieë luuj die oet 't hoes kome woorte door die klóch vanne straot gehaoldj. Wie die kónterleerd woorte bleek det ouch die twieë drugs bie zich hawwe, die zie dinkelik dao in det hoes gekoch hawwe.
De pliesse hawwe toestumming vannen offeseer van justiesje veur dao 'n óngerzeuk in det hoes in te stèlle. Wie de pliessen 't pandj instapdje vónje die al gaw drugs, kóntant geldj en illegaal vuurwerk. Dit al is dore pliessen in beslaag genómme wore.
De twieë die in 't hoes wore haet m'n opgepak. 't Vrouwmis haet m'n evriedig trögk vriegelaote, meh de manskaerel zitj nag vas.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.