Wirkers oet 't boetelandj veur stroumnèt Limbörg óm te boewe
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 1 april 2022 - 't Stroumnètwerk van Limbörg mót vaerdig gemaak waere veure greun toekóms, meh dao hieërsj 'n groeate mankaasjen aan persenieël. Toet noe aan haet det de nuuedige vernujing taengegehajen en daoveur haoltj de nètbehieërder Tennet noe wirkers oet Zuud-Europa. d'n Ómboew is 'n nuuedzakelikheid óm ummertoe mieë bedriever make zelf häören eige stroum mit zónpenieëlen en windjmeules.
Dao kómme drie centraal hoeagspanningsstaasjes in Limbörg wovanoet de pervinsje mit stroum verzeen wuuert; eine kump in Bóksmaer, einen in Brach en einen oppe Graathei. Ouch kómme versjeie kilemaeters aan kabel óngere gróndj getroch waere.
De wins is det in 2030 't euverdeil vanne greun ómsjakeling klaorkump. Doren oorlog inne Oekraïne waere luuj bewóster wie wichtig die ómsjakeling is. Det is neet allein veur 't miljeu, mer ouch veur ónaafhenkeliker te waere van anger lenjer, worónger van Róslandj. M'n haop róndj 2028 d'n ómboew van 't stroumnèt in Limbörg zoea wied vaerdig te höbbe.
Brónne
[bewirk | brón bewèrke]- Buitenlands personeel voor ombouw Limburgs elektriciteitsnet. Achille Prick - 1Limburg, 1 april 2022
Dit artikel besleit aad nuujs en maak deil oet van oos arsjief van nuujsberichte.