Wieërt wiltj greunste gemèndje waere door buim te paote
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 15 julie 2020 - Wieërt wiltj zich inne kómmendje veer jaor gaon manifesteren es ein vanne greunste stej van Limbörg. Door 'n subsiedje van half e miljoen euro vanne pervinsje kan me noe hóngerddoezjend buim paote. Door zoväöl buim de paote kump d'n inwoonder twieë buim d'rbie. Hiemit wiltj 't amtenieërsapperaat 't plan ane börger sliete. Ómme gans wuuert zoea 20 hektaar aan bós biegemaak en hóngerdtaal aan buim inne stad gepaotj. Wiejer wiltj m'n 'n aksje haje mitte inwoonders vanne gemèndje zelf, wobie vriewilligers, sjoealen en anger organizaasje betroch waere.
De plenning van 't aanmake van groeate stökker aan bósgróndj waas al oppen inj van mieërt gemaak dore börgermeister enne wèthajer; in samespeel mit Netuurmonumènte. 't Idee pas bie 't grótter eimiljoenbuimplan vanne pervinsje. Sónger half 't miljoen van 't goevernemènt waas 't bósplan van Wieërt noeatj geljelik haolbaar wore. De buim waere veural es bus aangepaotj op gróndj waat eigendóm is van Netuurmonumènte; dees zólle dan aansloeten oppe bus en netuurgróndj waat al dao is in eige behieër.
't Greun wuuert aevel neet allein aangepaotj inne boetegróndj. Ouch inne stad Wieërt zelf en ane randj vanne beboedje kóm kómmen ederen daag twieë buim daobie. Dees zólle dan mieër es veugel, roewveugel en insekte bringe. Ouch wuuert de stad dore kóms van buim keulder en verwach me det de buim biedrage taenge watereuverlas.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.