Werknummerstekort bie e kwaart vanne bedriever in Limbörg
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 20 dieëtsember 2018 - In Limbörg is allewiel e werknummerstekort van e kwaart bieje bedriever enne verwachting is det det allein meh get toenumme. Dees kónkluuzje vèltj te trèkken oet e verslaag van 't CBS, De Regionale Economie.
't Aafgeloupe kwaartaol haw zoea 23 percent vanne bedriever las van e personeelstekort, wo det in 2016 nag gei 10 percent waas. Doordet me zich in 'n periood van hoeagconjunctuur bevindj zal det tekort blieve toenumme. Me verwach veural in Midde-Limbörg nammieë greuj te maken en den mit naam inne detailhanjel. Hie zal 30 percent vanne werkgaevers 't volgendj jaor nammieë personeel broeke. In Naord- en Zuud-Limbörg ligk die verwachting lieëger; in Naord-Limbörg is de verwachting det 17 percent vanne werkgaevers mieë luuj zólle mótte gaon wirve, dewiel det in Zuud-Limbörg slechs 3 percent is.
In Limbörg greujen 't aantaal aan banen 't snelste van gans Nederlandj; 571.600 luuj wirkdje zelfstenjig of hawwen 'n baan, waat 'n toenaam van 2,4 percent is.
Opmirkelik is det neet euveral dezelvendje verwachtinge zeen. In Flevolandj en D'n Haag ligk 't personeelstekort hieël lieëg en in Oeas-Greuninge verwach me det me inne toekóms minder bane zal kónne gaon bejen es noe.
Brónne
[bewirk | brón bewèrke]- Kwart van Limburgse bedrijven op zoek naar personeel. Ed Leunissen - 1limburg, 20 dieëtsember 2018
- Personeelstekort loopt in alle regio’s op. Centraal Bureau voor de Statistiek, 20 dieëtsember 2018
Dit artikel besleit aad nuujs en maak deil oet van oos arsjief van nuujsberichte.