Weltwied noe mieër es half e miljoen doeaje door coronavirus
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 30 junie 2020 - Werreldwied ligk 't aantal luuj die gestórve zeen ane gevolge van 't SARS-CoV-2-virus, baeter bekandj es corona of 't Wuhanvirus, noe baoven half e miljoen. In dit getal zeen allein de offesjeel vasgelagdje vel opgenómme. De grens van 500.000 doeaje woort gister geraak. Wen me kiek nao 't aantal vasgelagdje besmettinge kump m'n al baove de tieën miljoen oet. Dees aantel zeen aevel leger es de wörkelikheid, went e good deil vanne luuj sterve sónger offesjeel te zeen diagnosticeerd.
Saeren oetbraak van 't virus veur 'n half jaor trögk haet 't zich versprèdj nao zeker 188 lenjer. 't Landj det 't helste is getróffen is de Vereinigdje Staote (mieër es twieëenhalf e miljoen besmettingen en 125.000 doeaje), gevolg door Breziel (mieër es 1,3 miljoen vasgelagdje besmettingen en 57.000 doeaje). Ouch in Austraalje is spraok vanne flotste stieging van 't aantal besmettinge d'n daag saer 11 april.
De Werreldgezóndjheidsorganisaasje haet de vurge waek nag gewaardj det 't aantal aan besmettinge waekeliks stieg mit zoea miljoen.
Brónne[bewirk | brón bewèrke]
- Dit artikel is gooddeils gegrundj op dan euvergezatj vanoeten taengenhenger oppe Nederlandjse Wikinuujs (versielink).
- Global report: deaths from coronavirus pass half a million. The Guardian, 29 junie 2020
- Wereldwijd meer dan half miljoen coronadoden. NOS Nieuws, 29 junie 2020
- Live: Australië meldt grootste toename coronagevallen in maanden - Aantal coronadoden wereldwijd passeert half miljoen. de Volkskrant, 29 juni 2020
- Coronavirus: Which countries have confirmed cases? Al Jazeera, 29 junie 2020
Dit artikel besleit aad nuujs en maak deil oet van oos arsjief van nuujsberichte.