Weer inkel nuuj gehiemelde door corona in Limburg
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
Opnuuj zien luuj in Limburg gehiemeld ane gevolge van coronabesjmetting. Drie sjtörfgevalle woorte gemeld in Noord- en Midde-Limburg, woevan twie in 't zudelik deil vanne pervincie. 't Totaal aantal officieel geregistreerde gehiemelde kump veur ós pervincie op 680, bliek oete ciefers vanne twie Limburgse GGD's.
't Aantal vasgesjtelde besjmettinge sjtieg in Limburg neet mie zoe hel. Opvallend is det in Zuud-Limburg mie luuj positief teste es inne res vanne pervincie. Inne zudelike helf van Limburg noteerde de GGD dertig nuuj besjmettinge, woemèt 't totaal aantal positief getesde luuj dao op 3003 kump. In Noord- en Midde-Limburg woorte de aafgeloupe 24 oer twie luuj positief getes, wat 't totaal dao op 1641 bringk.
Landelik noom 't aantal gehiemelde goonsdig toe mèt 53, meldt 't RIVM. Gans Nederlandj telt noe 5562 gehiemelde coronapatiënte. 't Aantal krankehoesopnames sjteeg aafgeloupe etmaal mèt 52 bis 11.430. 't Aantal patiënte oppe intensive care noom wiejer aaf mèt 31. Noe ligke nog 432 luuj mèt coronabesjmetting op 'n ic.
Zoewaal de ciefers vanne GGD's es van 't RIVM euver besjmetting en gehiemelde gaeve gein betroewbaar beeld van 't werkelik aantal opgenome en gehiemelde patiënte, ómdet neet ederein is getes. Ouch kèn 't get vertraging gaeve inne registratie.
Brónne
[bewirk | brón bewèrke]- Actuele cijfers voor Zuid-Limburg. GGD Zuud-Limburg, wiezigingsdatum: 15 mei 2020, 09.45 oer
- Coronavirus (vragen: bel 0800-1351). GGD Limburg Noord, wiezigingsdatum: 15 mei 2020, 14.00 oer
- Actuele informatie over het nieuwe coronavirus (COVID-19). RIVM, wiezigingdatum: 15 mei 2020, 13.54 oer
- Weer enkele nieuwe overlijdens door corona in Limburg. Kitty Borghouts - Dagblad De Limburger, 15 mei 2020
Dit artikel besleit aad nuujs en maak deil oet van oos arsjief van nuujsberichte.