Waterpiel duchtig gezak: beraengere weilenjer verbaoje

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 13 junie 2018 - 't Is vanaaf kómmendje maondig verbaoje water oet baeken en revere te broeken in Naord- en Midde-Limbörg veur akkeren en weilenjer te beraengere.

Dae maotregel wuuertj aafgekunjig door 't Watersjap Limbörg en guldj toet uterlik 1 oktoeaber.

Tróds de flinke watereuverlas door hoosbuie, veural in 't zuje vanne pervinsje, steit 't water hieël lieëg. Det kump ómdet 't al lengeren tied druueg en werm is, aldus 't watersjap. Mit 't beraengeringsverbód mót 'n wiejer daling van 't waterpiel waere verkómme.

Me is in Zuud-Limbörg nag besjeftig mitte gevolge vannen extreme watereuverlas vanne aafgeloupe waeke. Tegliekertied wuuertj 't extreem druueg dore aanhajendje wurmdje en druuegdje. Dees saort aan extreem waersituaasjes kómmen inne toekóms ummer dökker door 't verangerendj klimaat.

Tiejes 't verbód wuuertj kónterleerdj of edereine zich d'raan hèltj.

Brón[bewirk | brón bewèrke]



Dit artikel besleit aad nuujs.