Water spötj de gróndj oet in Kirkraoj door kepotte leijing

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 9 april 2021 - In Kirkraoj is dónderdigtemiddig de waterleijing ane Striethagerwaeg gesprónge wodoor 't water veur maeters hoeag de lóch in spötdje. Kort veur 15:00 oere woorte de hulpdeensten opgerope.

De waordveurder vanne WaterleijingsMaotsjappie Limbörg (WML) zag det 'ne brandjkraan geraak woort bie de wirkzaamheje van 'nen aannummer. 't Betrof hiebie 'n verveursleijing die grótter is es 'n gewuuen leijing en wo ouch mieë drök op steit. Det zörgdje daoveur det 't water zoea hoeag de lóch in koom.

Me wós die leijing al flot aaf te sloete det gei water mieër eweg kós laeke. Móntuuers gónge daorop 'ne nuje brandjkraan daoneer zitte, wonao de leijing nag doorgespeuldj mós waere. Dit al haet toet taenge de nach gewaardj.

De bedriever inne ómgaeving enne ómwonendjen ane Striethagerwaeg hawwe hiedoor veur e deil oere gei water. d'n Tied det 't water aafgeslaote woor waas aevel te kort veur noeadverzeninge te treffe.

Brónne[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.