Water mót groeatsjäölig waeren opgeslage taenge de druuegdje

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 26 september 2019 - 't Druuegdjeperblieëm in Limbörg zörg d'rveur det 't watersjap op korten tied noeadmaotregele mót gaon make, die zich richten op 't zoväöl meugelik vashaje van raengewater, mit naam inne herfs en inne wintjer. Deze noeadzaak veur water op te slaon kump volges 't watersjap door 't dale vanne gróndjwaterstandj.

Dit hiltj feitelik in det 't watersjap mitte boeren apaart aafspraoke wiltj make veur weilenjer ónger water te laote loupe, ziej 't veur 'n sjaajvergeujing. Ouch mótte de boere waere verplich de stoewen inne herfs enne wintjer oppe zomerstandj te laote staon. Extra water kan me den nag in euverlag mitte gemèndje vas gaon haje door 't plaatse van noeaddammen en zandjzek. Zoea wiltj me water gaon opslaon in waterplassen en netuurgebiede. Door 't water op 't landj te laote staon trèk 't lansaamaan de gróndj in wo 't de baom doordringk. Zoea herstèltj zich de gróndjwaterstandj. Wen me dit naojaor enne kómmendje wintjer twintjig toet viefentwintjig miljoen kuub water duit opslaon zal det leie toet 'n verhoeaging vanne gróndjwaterstandj mit inkel tieëntaal aan centimaeters.



Dit artikel besleit nuujs det zich recèntjelik haet aafgespeeldj.