Wageriejer gevlöch nao einziejig óngelök
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 15 fibberwarie 2020 - Oppe nach van vriedig op zaoterdig is 'n einziejig óngelök mit 'nen autowage gewaes bie Wieërt. Hiebie is d'n automobolis eweggevlöch. De gegaeves vanne wage zègke det t'r pas veur 'n waek in 't bezit is van d'n eigenieër.
Róndj 1:10 oere kwaam de meljing binnen euver 't óngelök ane Bocholterwaeg, dae löp tösse Wieërt en Altwieërterhei.
De wage wass oete boch gevlaoge, worop t'r inne graaf belandje. Hiebie is t'r besjajig woren en mós t'r waeren eweggeslèp door e bergingsbedrief.
Me wètj nanneet of d'n eigenieër vanne wagen ouch dezelvendje miens is es dae waat achter 't stuur zaat toe 't óngelök gebeurdje. 't Kan ouch zeen det de wagen is gestaole.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.