Waeg dae zóninnerzjie maak wuuertj aangelag in Zuud-Limbörg
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 22 mieërt 2019 - De plenning is det binne twieë jaor of bieje DSM in Gelaen of bieje Zuyd Hogesjoeal in Haerlen 'ne waeg wuuertj aangelag dae zóninnerzjie kan opmake. Deze waeg wuuertj den integreerdj mit zónpanele; 't óntwerp kump veur raekening vanne hogersjoeal esouch 'n Intjhäövener bedrief geneump Soliance. De waeg mót zoea 70 maeter lank waere. Wiewaal 't neet de ieëste zónwaeg is, zal 't waal d'n ieëste waere wo ouch wages en vrachwages euverhaer kónne vare; toet noe aan haet me-n allein fietsjepajer aangelag. Veuren aanlag vanne nuje waeg is 'n gans anger technologie benuuedj.
De nuuedzakelikheid vannen aanlag vanne waeg kump dore klimaatdoelènj. Daoveur mót me väöl mieë greune stroum kan make. Noe ligken al zónpanelen oppe daker, en ol ane gevels. De volgendje steeg zal den logischerwies de waeg mótte waere. Dees ligken al dao en höbbe boeten 't verveursdeil gein fónksje. 'n Anger veurdeil is 't feit det róntjelómme waeg ummer waal dinger ligke die väöl stroum broeke; dink hiebie aan verleechting, stopleechter, mer ouch hoezer.
Wen 't lök de waeg ikkenomisch rendabel aan te ligke den volge mieë plaatse veuren aanlag van zónne waeg. Inne toekóms kan me zoea waal 10 toet 15 percent vanne stroum in 't landj gaon aanlègke.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.