Vrouw gedoed in Aigues-Mortes tiedes sjteregevech
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
11 oktoeber 2018 - In Aigues-Mortes, 'n plaatsj aan de Franse zuudkös, is zaoterdigaovend 'n vrouw aangevalle gewaore door 'ne sjteer dae oet de arena waas gebraoke. Det haet zie neet euverlaef.
De vrouw bevónj zich same mit häören echgenoet op 'n plaatsj kort veur de ómrastering. Eine van de sjtere spróng euver de ómrastering haer en veel iers de man aan. Daonao naam 't bies de vrouw op zien häöres, woenao zie e paar maeter wiejerop op häöre kop terechkwaam. Zie waerde mit d'n traumahelikoper zjwaorgewóndj nao 't krankehoes gebrach, woe zie de mörge daorop hiemelde. Volges de börgemeister hadde anger bezeukers van 't sjteregevech 't echpaar oet Cannes mierder kiere gewaarsjoewd det zie zich te kort biej de ómrastering bevónje.
't Petroenfies in Aigues-Mortes is d'n daag nao 't veurval gewoen doorgezat, mer ei menuut stèlde is in ach genómme gewaore.
Brónne
[bewirk | brón bewèrke]- Stier doodt vrouw in publiek na stierengevecht. NOS Nieuws, 7 oktoeber 2018
- Gard : percutée par un taureau, une femme décède. Le Parisien, 7 oktoeber 2018
- Aigues-Mortes : une femme meurt percutée par un taureau. France 3 Régions, 7 oktoeber 2018
Dit artikel besleit aad nuujs en maak deil oet van oos arsjief van nuujsberichte.