Vraejesinstituut geit devan oet det 't aantal kaerwapes weltwied geit greuje

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


De kaerbom die op Nagasaki is gevalle
Dit artikel is gesjreve in 't AGL.

't In Sjtokholm gevestigde vraejesóngerzeuksinstituut SIPRI geit devan oet det 't weltwied aantal nucleair wapes binnekórt wer geit greuje gezeen de hujige diplomatieke sjpanninge tösje 't weste, Róslandj en Sjina en de krieg in de Oekraïne. Det kint me laeze in 't jaorversjlaag van 't instituut, det huuj versjient.

Ouch wen 't 'n leechte daling van 't totaal aantal kaerkoppe goof bis nao sjatting 12.705 weltwied, haje de óngerzeukers rekening mit 't scenario det dit aantal inne loup van 't kómmende decennium wer geit toeneme. Es de nege kaermachte gein ónmiddelike en concrete óntwapeningsaksies treffe, zouw 't waal ins kinne det de veurraod kaerwapes binnekórt veur 't iers saer de Kaje Krieg wer aangreujt, waarsjuwe de experts.

Óngeveer 90 procent van alle kaerwapes op ós planeet zin in henj vanne VS en Róslandj. Bei lenj höbbe oetgebreide en duur programma's loupe veur kaerkoppe, lanceersysteme en produksiefaciliteite te vervange en te moderniserie, aldusse SIPRI. De zeve anger kaermachte - Groet-Brittannië, Frankriek, Sjina, India, Pakistan, Israël en Noord-Korea - höbbe volges 't instituut allenui ónlangs nuuj wapesysteme óntwikkeld of in gebroek.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.