Vrachwaegeske boetsj mit trèkker en vluug in brandj

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 9 september 2021 - Goonsdigtemiddig is in Neejwieërt e bestèlbösken inne brandj gevlaoge naodet 't taengen 'nen trèkker aangevare waas. De meljing daovan koom róndj 14:40 aan bie de hulpdeenste. 't Veurval speeldje zich aaf oppe Houfstraot oppe kruutsing mitte Sjansstraot.

Mit 'nen angere wage haoldje 't vrachwaegeskes d'n trèkker in. 't Floepdje de wage veurbie d'n trèkker te kómme, meh det kós neet gezag waere veur 't böske. Wie d'n trèkker linksaaf de Sjansstraot indrejdje kós gèn boetsjing mieë verkómme waere. Nao die boetsjing begóste vlammen oete veurkantj van 't böske te kómme. De bei sjefuuers kóste zelf oet häör veurtuger óntrinne.

Geine woort verlets bie 't óngelök. Brandjwaermen kósten 't vuur oetmake. 't Bösken is zwaor besjadig en mós door 'ne berger eweggeslèp waere. De sjaaj anen trèkker veel mit, wodoor de sjefuuer van dem wiejer kós vare.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.