Vlaamzieë bie recycleerbedrief in Blieërik

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 12 augustus 2018 - Bie e recycleerbedrief op 't bedriefsterrein Trade Port West in Blieërik haet saoterdigs snachs 'ne groeate brandj plaatsgadj.

Róndj 0:30 oere woort de brandjwaer opgerope veure brandj bie Collin Recycling ane James Cookwaeg.

De vlame grepe snel róntjelóm zich haer en woren inne wiej ómgaeving te zeen. De blösplogen oet Vinlo woorte geholpe door kollégé van anger korpse. Ónger anger oet Helje, Mezbree en Saerem woort versterking opgerope. Behauve blöswages woorten ouch veurtugen ingezatj die móste zörge veur 'ne goje wateraanveur.

Aldus 'ne waordveurder vanne brandjwaer waas 't veural hout det in brandj stóng, wodoor de rouk rilletief óngevieërlik waas. Dao koom bie det de rouk vriewaal rech ómhoeagoppes góng, en dus neet ewegdreef richtinge woonwiek. Toch waas de brandj inne ómgaeving good te ruke. Bieje brandj is geine verlets gewaore.

'ne Kraan dae kortbie stóng is eweggeslèp gewaoren en geblös. De brandjwaer zat zich veural in op 't verkómme det de brandj zich wiejer oet zów breie. Mit naam 'n boumrie inne buurt woort good naat gehaje veure vlame gein kans te gaeve. 't Doerdje oere veurdet 't vuur waas geduif. Ouch sóndigs smörges is de brandjwaer nag besjeftig gewaes mit naoblösse.

De pliesse höbben e ruum gebied róndj 't bedrief aafgezatj.

De brandj volg nag gein waek op 'nen angere groeate bedriefsbrandj in Blieërik. Stinsdigs wooj nag 'ne groeate brandj op bie e coatingsbedrief.

Collin Recycling woort zelf ouch al dökker getróffe door brandj. Veur veer jaor trögk kosdje 't de brandjwaer väöl meudje veur 'ne stapel aan aafval te blösse worin door breuj brandj waas óntstange; veur twieë jaor trögk wooj ouch al dao 'ne nechtelike brandj op.

Brónne[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.