Veurmaoligen dokter: "Trump sjreef eige doktersverklaoring"
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
3 mei 2018 - "Donald Trump sjreef zien eige doktersverklaoring". Det zaet Harold Bornstein, de veurmaolige privé-arts van de prizzedent van de Vereinigde Sjtaote, taege d'n Amerikaanse nuujszender CNN. In de medische verklaoring sjtóng det Trump, es hae gekaoze waerde, de gezóndjste prizzedent in de gesjiedenis van 't landj zouw zeen. De breef waerde in december 2015 nao boete gebrach en sjpeelde 'n belangrieke rol in de prizzedentscampagne. Trump sjtèlde namelik det Hillary Clinton neet gezóndj genóg waas veur de prizzedentstaak te vervölle. Mit dees gezóndjheidsverklaoring wól hae bewieze det hae det waal waas.
Bornstein: "Trump dicteerde de ganse breef; ich sjreef 't allein op". Ierder waerde al vraogteikes bie de verklaoring geplaats, aangezeen de sjtiel erg leek op de sjtiel dae Trump gebroekde tiedes zien campagne. In september 2016 zag Bornstein nog det hae de verklaoring gehaos mós opsjtèlle. "Ich had haos; ich mós nog nao iemes haer gaon".
Nao de ónthölling euver de doktersverklaoring vertal Bornstein op NBC News det hae in fibberwarie 2017 door drie mitwirkers van Trump waerde bezoch, die bie häöm 't medisch dossier van de prizzedent op kome haole. Bornstein zelf neumde 't "'nen inval" en zag det 't dossier helhendig van häöm waerde aafgenaome. 't Wit Hoes zaet det 't veurval bie "de sjtandaardprocedure" van 'ne nuje prizzedent huurt.
Brónne[bewirk | brón bewèrke]
- Bornstein claims Trump dictated the glowing health letter. CNN, 2 mei 2018
- Ontslagen arts: Trump schreef doktersverklaring zelf. NOS Nieuws, 2 mei 2018
- Ex-huisarts: 'Trump verzon stralende gezondheidsverklaring'. AD, 2 mei 2018
Dit artikel besleit aad nuujs en maak deil oet van oos arsjief van nuujsberichte.