Verwiessjiljer Mestreechter vleegveldj op 't Ingels
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 17 jannewarie 2019 - De nuuj verwiessjiljer van 't vleegveldj Mestreech-Aoke - 't Vleegveldj Baek - zeen volstenjig op 't Ingels; 't Nederlandjs is rizzerveerdj veur 'n óngertiteling vanne houfteks. De fraksje vanne partie Lokaal-Limburg, det is gezeteldj in 't Limbörgs Parlemènt, veel det op inne vernuujdje aankóms- en vertrèkhal.
De fraksjeveurzitter, Raimond Franssen, haet sjriftelike vraoge gestaldj aan 't pervinsjebestuur. Me wiltj weite wae de opdrach haet gegaove veure teksten oppe sjiljer. Det kan of 't pervinsjebestuur of d'n oetbare van 't vleegveldj zeen. 't Óngebroek van 't Nederlandjs is apaart, went 't vleegveldj is regionaal; de meiste passenzjeers kómme denouch oete regio. 'n Meugelike verklaoring kan zeen det onna luuj oet Duutsjlandj broek make van 't vleegveldj.
De pervinsje is saer 2014 d'n eigenieër van 't vleegveldj, meh doorverhuurtj 't anen oetbater TCGI. 't Aantaal aan passenzjeers is duchtig toegenómmen en me haet good verboedj. Ouch kan me noe gratis parkere bie 't vleegveldj.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.