Verwachse raengerval van min meining veure Maas

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 7 augustus 2018 - De verwachse raengerval later dizwaekes zal gei perbleem zeen veure Maas aldusse verwachtinge van Riekswaterstaot.

De verspaldje wieväölheid aan raenge zal wersjienlik deils verdampe. De res wuuertj drek opgenómme door graaslenjer en plantje, ómdet die al gelangen tied druueg staon. 't Water geit dinkelik 't gróndjwater gein èns bereike.

De Maas is 'n raengerreveer die wuuertj verzeen van water vanoet 't zuje. "Veer mótten 't inne Maas veural höbbe vanne raenge dae inne Ardenne vèltj veur 'n stieging innen aafveur te höbben en det wuuertj veur noe nanneet ech verwach", aldus 'n waordveurderin.

Riekswaterstaot haet dizwaekes veuren ieës druuegdjemaotregelen aafgekunjig veur 't sjeepvaartverkieër oppe Maas. Saere zóndig wuuertj nammeh bepirk gesjötj bieje sloeze. Det mèntj det de sloeze mer e paar kieër d'n daag waere geäöpendj. Dae maotregel mót verkómme det water verlaore geit door 't sjötte. Wachtieje van sjeper bieje sloeze kónne daodoor oploupe. Dae wachtied maag maximaal veer oer bedrage.

Sjeper moge veur noe normaal waere belaje, went de Maas haet nag zat deepgank. Det hèltj in det 't waterpiel nag zat is veur ouch zwaorbelaje sjeper te verveure.

Brónne[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.