Verplich móndjkepke in aopebaar verveur
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
Reizigers in 't aopebaar verveur mótte vanaaf 1 juni verplich e móndjkepke drage. 't Kabinet haet det goonsdig bekindjgemaak, bevestige ingewiede berichgaeving daoreuver vanne NOS. 't Maag daobie ouch gaon óm neet-medische móndjkepkes.
Treine, trams, bösse en metro's gaon vanaaf daen datum ouch weer dökker rieje. 't OV waor saer miert allein bedoeld veur noedzakelike ritte, wie veur luuj mèt cruciaal beroepe. Daoróm woort de deensraegeling flink truukgebrach.
't Kabinet had 't Outbreak Managament Team (OMT) óm advies gevraog, ómdet 't bao ónmeugelik is óm in 't aopebaar verveur 1,5 maeter aafsjtandj te haje. Es daen óngerlingen aafsjtandj waal sjtrik gehandhaaf mót weure, dan zou 't ov nog hoegoet e kwart vanne reizigers kènne verveure van 't aantal veure coronacrisis, zoe leet 't ministerie van Infrasjtructuur ierder weite.
OV-bedriever hadde zelf ouch al gevraog óm móndjkepkes in bösse en treine. Daonaeve mót dudelikheid kómme euver wie reizigers zich mótte gedrage. Op zès treinsjtasies zien inmiddels markering aangebrach óm de reizigerssjtruime zoeväöl wie meugelik in gooj bane te kènne leije.
De verveursbedriever vraoge ouch óm mier geld. Verantwaordelik sjtaotssikkertaar Stientje van Veldhoven is in gesjprek euver e meugelik sjteunpakket, zag ze goonsdig veur det gesjprek.
Brónne
[bewirk | brón bewèrke]- Verplicht mondkapje voor reizigers in openbaar vervoer. Dagblad De Limburger, 6 mei 2020
- Zo ziet de versoepeling van de coronamaatregelen er in de komende maanden uit. NOS, 6 mei 2020
Dit artikel besleit aad nuujs en maak deil oet van oos arsjief van nuujsberichte.