Veer nuuj Limburgse doeje door coronavirus

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Dit artikel sjteit gesjreve in 't AGL.
Symptome COVID-19

't Coronavirus haet de aafgeloupe daag nog ens veer Limburgse laeves geëis. 't Geit óm inwoeners van Gennep (74), Ech-Zöstere (89), Venlo (63) en Hors ane Maas (78). In alle gevalle zien ze gesjtorve in 't krankehoes en geit 't óm patiënte die al ernstige medische probleme hadde. Mèt de veer nuuj sjtörfgevalle kump 't totaal aantal corona-gehiemelde in Limburg op nege.

Volges actueel ciefers van 't RIVM telt Naord-Limburg noe 54 bevestigde besjmettinge, 19 daovan inne gemeinte Piel en Maas. Wiejer wieze positief coronateste op patiënte in Gennep, Leudaal, Hors ane Maas, Venlo, Nederwiert, Maasgoew en Remunj.

In Zuud-Limburg zien volges de RIVM-gegaeves noe 104 inwoeners mèt corona besjmet. De meiste kranke woene in Zitterd-Gelaen (38), gevolg door Mesjtreech (24) en Baekdale (13). Wiejer geit 't óm besjmettinge in Sjtein, Baek, Meersje, Haerle, Landjgraaf, Kèrkraoj, Zumpelveld, Gölpe-Wittem, Eisde-Mergraote en Valkeberg.

Landelik is 't aantal coronabesjmettinge maondig wiejer gesjtege nao 1413. Nao Braobant (554) is Limburg de pervincie mèt de meiste bevestigde coronakranke: 158.

De bei provinciaal GGD'e benaodrökke det vanwaege 't aangepasde tesbeleid de RIVM-ciefers neet 't complete beeld weergaeve. Angers es in 't begin van de corona-epidemie weure - door gebrek aan tesmateriaal - neet mier alle besjmette persoene getes. Veural luuj oet kwetsbaar groepe die mier risico loupe op 'n ernstig verloup van de krenkde en bie waem 't veure richtige behandeling wichtig is te weite of ze COVID-19 höbbe, weure getes, aldusse de GGD'e.

Brónne[bewirk | brón bewèrke]



Dit artikel besleit aad nuujs.