Veer doeje nao sjeetpartie in krankehoes Chicago
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
20 november 2018 - Veer luuj zeen doedgebleve nao 'n sjeetpartie in 't Mercy-krankehoes en medisch centrum in de Amerikaanse sjtad Chicago. Huidagent van de pelissie, Eddie T. Johnson, brach 't nuujs det 't geit euver twie vrouwluuj, 'ne pelissieman en de verdachte, meh 't is neet dudelik of de verdachte is gesjtorve aan de sjäöt van de pelissieagent of det hae zelfmaord haet gepleeg.
De ómsjtenj begóste op de parkeerplaats van 't medisch centrum, woe d'n aansjlaagpleger 't aan de sjtek kreeg mit zien vrouw, die op det momènt hiel emotioneel woor. Volges getuge losde de sjötter minstes drie sjäöt op de vrouw. De verdachte, door CNN herkènd es 'ne 32-jäörige man, ging 't krankehoes binne woe d'r ouch 'ne pelissieagent, Samuel Jiménez, en 'n anger vrouw denaersjoot.
Lokaal media wieze oet det de sjeetpartie begós róndj 15:15 lokalen tied. In de naomiddig melde 't krankehoes zelf det de autoriteite 't geboew weer hadde veiliggesjtèld en det ouch de patiënte veilig wore. D'n aansjlaagpleger is gesjtorve aan e sjaot in de kop.
Volges eine getuug woor d'n aanvaller bewaopend mit e 9 millimaeter-pistool en vuurde zónger bezeij in versjèllende richtinge. De twie gesjtorve vrouwluuj wore mitwèrkers van 't krankehoes: 'ne noedhölpdokter en 'n apothekersassistente. Johnson verklaorde det in "de oetwisseling van sjäöt biej 't krankehoes 'n anger vrouw, 'ne mitwèrker van 't centrum, waerde geraak en doejelik waerde verwóndj" en det "gedoerende die oetwisseling ouch ein van de pelissieagente doejelik waerde verwóndj door d'n aanvaller".
Brónne
[bewirk | brón bewèrke]- Un pistolero mata a tres personas en un hospital de Chicago. Pablo Guimón - El País, 19 november 2018
- Un tiroteo en el Hospital Mercy de Chicago deja cuatro muertos y varios heridos. El Mundo, 20 november 2018
- Tiroteo en Chicago: tres personas y el atacante mueren en el Hospital Mercy. CNN, 19 november 2018
- Dos mujeres, un policía y el atacante murieron en el tiroteo en un hospital de Chicago. Infobae, 19 november 2018
Dit artikel besleit aad nuujs en maak deil oet van oos arsjief van nuujsberichte.