Vastelaoveszenger Sjraar Peetjens (96) oet Vinlo is gehieëmeldj

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

MOFERT - 28 jannewarie 2019 - De Vinlose zenger en stille vertaengewuuerdiger van 't vastelaovesleed dao Sjraar Peetjens is sóndigs smörges gehieëmeldj op zèsenneugentigjäörige laeftied in 't zörgcentrum De Meeuwbeemd in Vinlo, wo d'r veur twieë jaor trögk haw beslaote te verblieve. Peetjens waas d'n aadste nag laevendje vertolker van 't vastelaovesleed. Hae is veural bekandj vanne leedjes Och waas ik maar beej mooder thoès gebleve (gesjreve door Frans Boermans), Minsekinder waat ein maedje en Det duit 'm 't veurjaor.

Peetjens woort nao d'n Twieëdje Werreldkrieg e lid vanne Joekskemissie Jocus wo d'r mithólp anen inhaadspergrammering vanne jäörlikse vastelaoveszittinge. maakdje veur jaore lang deil oet van De Hofzengers en De Straotzengers; inne litste klóch trooj d'r oppe zittingen op mit leedjes en sketches. Inne jaore fieftig en sèstig brach hae versjillige Vinloër vastelaovesleedjes oet en dieëj d'r mit inne Venlose Revue, wo d'r ouch dieëj toneelspele.

Wie d'r zèsenvieftig waas is t'r oetgesjèdj mit zinge veur plaats te make veur 'n nuuj zjinneraasje aan zengers in Vinlo, mer in 1996 noom de band Minsekinder 'm weer de buun op. Opmirkelik waas wie vitaal d'r toe nag waas en ouch zien stum, die nag ummer kreftig en kristalzuver waas. Door dees gasoptraejes woort t'r drek weer opgenómme door 't Vinloër pebliek det 'm trögk inne erm noom. In 2002 koom de cd Sjraar Peetjens zingk met Minsekinder oet.

In 2006 stóng Peetjens mit As ik 84 bin inne L1-Limbo Top 10, 'n bewirking van 't Beatles-nómmer When I'm 64.

Tom Doesborg en Sander Selen maakdjen in 2015 e tilleviesportrèt van Peetjens det Sjraar Peetjens, ein stum veur de iewigheid hoot.

Brónne[bewirk | brón bewèrke]

Dit artikel besleit aad nuujs en maak deil oet van oos arsjief van nuujsberichte.