Vakwerkgevel Vinlo kump oete 14en ieëf

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


't Pandj wo zich de vakwerkgevel in bevindj.

MOFERT - 7 dieëtsember 2018 - De vakwerkgevel in 't pandj van Parade 26 inne binnestad van Vinlo stamp oet kort nao 1385 bliek oet 'n óngerzeuk nao 't hout hierin. Deze gevel woort in oktoeaber óntdèk ónger 'n stuuklaog van 'n baoveverdeping en is nao baove kómme mit 't perjèk wobie me de baoveverdepinge van winkelpanjer weer bewoonbaar geit make.

Me haet de gevel kónne datere mit dendrochronologisch óngerzeuk wobie me de jaorringe van 't hout betrach. De buim wovan 't hout aafkump woorte róndj 1385 ómgekap; nag anger deiler kómmen oet 1431, waat oetwies det me doe 't pandj haet verboedj of herstaldj. Hie-oet bliek det de gevel d'n aadste van nag bewaardje vakwerkkónstruksje van Vinlo is en zoea ouch wersjienlik in gans Oeas-Limbörg. De gevel is bao twintjig jaor ajer es 'ne vakwerkgevel in Mestreech.

't Óngerzeuk stèltj det 't aadste deil van 't hoes oete veertieëndjen ieëf zich bevindj ane zuudkantj van 't verhoes. 't Hout van 't achterhoes waas det oet 1431, mer 't is nimmieë te achterhaolen of me doe 't veurhoes haet oetgebrèdj ofdet me 'n aad achterhoes toe haet vernuudj. E deil balklaoge kómmen oet 1504 oeten tied det me 't hoes haet versteindj. Hiebie haet me ouch belk vanne aaj vakwerkkónstruksje gebroek.

't Pandj wo de vakwerkgevel zich bevindj woort in 1971 aangewezen es e rieksmonumènt. Det veure neugentieëndjenieëfse veurgevel. In daen tied wós me namelik nanneet det zich achter dae gevel nag zon aaj boewhistoorje zów bevinje. Wen de verboewing van 't pandj vaerdig is zal de historische vónjs blievendj zichbaar waere gemaak.

Brónne[bewirk | brón bewèrke]



Dit artikel besleit aad nuujs.