VN-kemissie lègk leger Burma genocide taenge Rohingya te laste
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
.jpg)
28 augustus 2018 - 'n Óngerzeukskemissie van de Vereinigde Naties haet e vertestewerend versjlaag oetgebrach euver d'n tóp van 't Burmees leger (de Tatmadaw). De legerleijing weurt door de kemissie besjöldig van genocidaal mèsdrieve t'n aanzeen van de diverse etnische minderheje in 't landj, in 't biezunjer de Rohingya. De betreffende legeroffesere mótte sjtraofrechtelik waere vervolg, aldus de kemissie. Zès hoeggeplaatsjde offesere waere in 't versjlaag in 't biezunjer geneump, ónger waem opperbevaelhöbber en senior-ginneraal Min Aung Hlaing. Boetedet haolt de kemissie in 't versjlaag oet nao de regering van Burma, die volges de bevènjinge van de kemissie nieks haet gedaon óm 't haatzeije en de mèsdäöj te veurkómme die zeen begange door 't leger. De VN-Veiligheidsraod zal zich mörge buge euver 't versjlaag.
't Geweld in Burma taenge de Rohingya, de islamitische minderheid in 't landj, escaleerde veur e jaor trök. Sinsden zeen mier es 700.000 Rohingya gevlöch nao 't buurlandj Bangladesh. 't Geweld ómvat praktieke wie massamaord en groetsjaolige verkrachtinge. Ouch zeen ganse Rohingya-dörper platgebrend gewaore.
Brónne[bewirk | brón bewèrke]
- Vernietigend VN-rapport: legertop Myanmar moet voor genocide worden vervolgd na misdaden tegen Rohingya. Ben van Raaij - de Volkskrant, 27 augustus 2018
- UN report: Myanmar generals should be prosecuted for genocide against the Rohingya. Vox (website), 27 augustus 2018
Dit artikel besleit aad nuujs en maak deil oet van oos arsjief van nuujsberichte.