Vónds in arsjieve van Vaticaan: zekerheid euver echgenote en gebaorteregio Jan van Eyck

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


't Lam Gods
Dit artikel sjteit gesjreve in 't AGL.

Jan Van Eyck (1390-1441) is eine vanne groetste könssjilders dae de Lieg Len oets gekind höbbe, aevel eigelik weite v'r hiel wienig euvere manskaerel dae ónger anger 't meisterwèrk 't Lam Gods haet gesjilderd. 'n Nuuj vónds in de arsjieve van 't Vaticaan bringk dao verangering in.

Wiedoet de meiste infermasie die v'r höbbe euver Van Eyck dateert van nao zienen doed. Noe bliek aevel det hae op 26 miert 1441, e haaf jaor veur zienen doed, e verzeuk haet gerich aan Paus Eugenius IV. Historicus Hendrik Callewier van 't Belsj Rieksarsjief en de KU Leuve deeg de óntdekking inne Vaticaanse arsjieve. Zien bevindinge zeen versjene in 't weitesjappelike tiedsjrif Simiolus en inne gazèt NRC.

"Ich höb inne administratie van 't Vaticaan 'n aanvraog gevónje van e document van Jan Van Eyck en zeen echgenote Margareta," lègk Callewier oet aan VRT News. "Van Eyck vruueg 'nen breef aan dae 'm toeluuet veur te biechte mèt oug oppe vergaeving van zinne zónde." 't Geit dus veur alle dutelikheid óm 't administratief sjpaor van d'n breef. "De breef zelf is bezörg gewaore aan Van Eyck en is verzjwónje."

't Is 'n oetzunjerlike vónds. "'t Is veur 't iers det v'r in e document van tiedes zeen laeve Jan van Eyck vermèld zeen same mèt zeen echgenote Margareta", zaet Callewier. 't Werp ouch e nuuj lich op zeen meugelike gebaorteplaats. "De aafgeloupe hónderd jaor zeen teen versjèllende plaatse geneump gewaore, mèt Mezeik es meis dinkelike kanshöbber."

"'t Goof gein inkel document oet zeen tied det zaet woe hae vandaan kump", zaet Callewier. "De aanvraog in 't Vaticaanse arsjief zaet dutelik det hae oet 't bisdóm Luuk kump. V'r kènne noe 'n aantal plaatse oetsjlete." Meugelike kanshöbbers blieve nog ömmer Mezeik, Bergeijk, Mesjtreech en Arendonk die alle veer in 't doemalige bisdóm loge.

De aanvraog zaet ouch waal get euvere mentaliteit van Van Eyck. "'ne Könssjilder dae 'n aanvraog deit bieje Paus is óngezeen in die periode", zaet Callewier. "Door die aanvraog liekent hae op zeen klante. Hae is eigelik 'nen ambachtsman, mer zèt zich op dezelfde huuegde wie de hoege geistelike, net wie de bourgeoisie die zeen klante zeen."

Brónne[bewirk | brón bewèrke]



Dit artikel besleit aad nuujs.