Väöl opgehaoldje fietsje Mestreech blieve staon

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 29 april 2022 - Me verwach det 't euverdeil vanne fietsje die óm Keuningsdaag in Mestreech vanne straote gehaoldj zeen, zal blieve staon. Óm gansen haw me viefhóngerd fietsjen en skoeters eweggehaoldj. Daovan zeen toet noe achenneugetig fietsjen en neuge skoeters opgehaoldj. Boete fietsjen haw m'n ouch e deil verkieërssjiljer eweggehaoljd, óm die zówwen inne waeg staon vanne keunikliken ómwaeg.

De taak van 't sjoeanvaege vanne straote laag bie de boa's. Me begós Achtere Kemeide, óm dao mós de NOS opboewe. Boete studentefietsje zeen ouch e deil lektrische fietsjen opgehaoldj. Me kan dees toet 15 junie sónger ekstra kösten ophaole. Waal mót me de sleutel van 't slaot bie zich höbben en 'n identiteitskaart.

Oetintjelik verwach me det zoea sèstig perzent vanne fietsje blief staon. Dees gaon nao plaatse wie de kringloup veur dao e twieëdje laeve te kriege. Me perbeert 't de luuj al zoea mekkelik meugelik te make det me de fietsj trögk kan vinje. Det duit me mit sjiljer die de straotnaam ennen datem aangaeve van wo en wienieë de fietsj eweggehaoldj is. Me zal aevel ummer tegooj mótte zeuken in 't opslaaghoes.

Brónne[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.