Twintjig luuj róndj Gangelt besmetj mit Wuhanvirus
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 28 fibberwarie 2020 - In 't gebied róntjelóm Gangelt haet me noe veertieën nuuj besmèttinge mit 't Wuhanvirus vasgestaldj, baovenoppe zès die 't al haw. Daomit zeen noe gans biejein twintjig luuj mitte Sjinese gekrenkdje die owwel bekandj steit es corona besmètj inne regio Hinsberg.
De meiste vanne besmèttinge zeen luuj aafkumstig oete gemèndje Gangelt; 'nen inweuner oet 't dörpke Langbrook waas d'n ieëste dae 't virus haw. Gangelt ligk hieël kort euvere päöl bie Sjilvend. d'n Insigste dae besmetj is en neet oet Gangelt kump waas 'nen Äökener dae waal in Gangelt vastelaovendj haw gevierdj.
De luuj die 't virus höbbe mótte veurnoe in karrentaen blieve. Anger luuj waere vriewillig of oet veurzörg in karrentaen gezatj, wodoor noe inne regio Hinsberg zoea doezjend luuj in karrentaen zitte.
Brónne
[bewirk | brón bewèrke]- Aantal coronabesmettingen rond Gangelt loopt op. 1limburg, 27 fibberwarie 2020
- Veertien nieuwe coronabesmettingen in Duits grensgebied. Dagblad De Limburer, 27 fibberwarie 2020
- Honderden inwoners in quarantaine en scholen dicht: burgemeester van Duitse grensplaats beleeft hectische dagen. Dagblad De Limburger, 27 fibberwarie 2020
Dit artikel besleit aad nuujs en maak deil oet van oos arsjief van nuujsberichte.