Twieë pampahaze losgebraoke bie Mieëterik

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

MOFERT - 2 junie 2020 - Saer maondigtemorge loupe twieë pampahaze róndj inne netuur rónjelóm Mieëterik. De twieë bieëster zeen óntrónnen oet 'n wei ane Amerikaansewaeg. d'n Eigenieër vann bieëster haw nag verzóch de twieë te vange, meh det sjafdje d'r neet. Me haw de bieëster waal vónje, meh zie lete zich neet vange. Det kump doordet de bieëster bès sjoew bieëster zeen en neet zoea taam wie geiten of sjäöp.

De pampahaas kump van oearsprónk oet Zuud-Amerika. 't Knaagbieës is verwantj ane kavia. 'ne Pampahaas steit zoea hoeag wie 'n geit, haet dun hoeag puuet, groeate ougen en groeate oeare. Pampahaze aete veural graas en höbbe gèn drinkwater nuuedig, went zie laeven heim op dor graasvlaak. Vees, greun, vóchtig graas is zat veure pampahaas, en bie Mieëterik is det breid veur henj.

d'n Eigenieër haw de bieëster zón half jaor. De twieë vörmen e paar en zeen dus menken en vruiwke. Inne wei zówwe die ónaafsjeielik zeen, mer in 't wildj zeen zie apaart gekómme. d'n Eigenieër haop det luuj die de bieëster zeen zich melje. Eine vanne twieë zów zeen signaleerd bieje voetbalveljer ennen angere bieje Mussenbuurt, 'n wiek in Hors-ane-Maas, zón drie kilomaeter van Mieëterik.

Brónne

Pampahazen dwalen rond in omgeving Meterik. Arthur Hubers - 1limburg, 1 junie 2020

Dit artikel besleit aad nuujs en maak deil oet van oos arsjief van nuujsberichte.