Twieë miljoen veur watereuverlas taenge te gaon in Gulpdaal

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 16 fibberwarie 2018 - De Limbörgse netuurorganisaasje ARK krieg ruum twieë miljoen euro vanne Poskode-Laoterie. Mit dit flink bedraag wuuertj 't netuurgebied in 't Gulpdaal bie Slènnich óngerhajen en opgeknap.

Tiejes 't Goed Geld Gala vanne Nasjenaal Poskode-Laoterie, det dónderdig woort organiseerdj, woort bekandj det ARK Netuuróntwikkeling gans biejein drie miljoen euro óntvingk. Neuge tón van det bedraag is regulier geldj; de res wuuertj rizzerveerdj veur 't perjèk Grensloeas Gulpdaal.

Mit det geldj kan de laefómgaeving in 't Gulpdaal waere gebaeterdj, zoea sjrief ARK oppe website. Daodoor mótte minder euverstruiming gaon plaatshöbben inne toekóms.

't Reveerke de Gulp, det door Limbörg, Wallonië en Vlaandere struimp, zörg inne nate periode regelmaesig veur euverlas door hoeagwater. De netuurorganisaasje wiltj same mit anger organisaasjes gaon zörge veur 'n netuurlike leuzing taenge watereuverlas.

Dore Gulp op sómmige plaats mieë ruumdje te gaeven en op anger plaatsen in te dammen óntsteit ruumdje veur biezunjer vèsse wie zalm en baekforel. Ouch wuuertj 't Gulpdaal den e gesjik laefgebied veur zeldjzaam vogelsaorte wie de zwarte stork enne grawwe sjriek (of klawwier).