Twieë doeaje bie óngelök oppe Maas bie Heie
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 31 mei 2023 - Ezaoterdig höbbe de pliesse twieë lieke vónjen inne Maas inne buurt van Heie. 't Bliek de liever te zeen van twieë luuj die dao vriedigtenaovendj 't water in gevalle wore.
Det gebeurdje inne nach van vriedig op zaoterdig wie róndj 2:30 oere 'n meljing aankoom bie de hulpdeensten euver 'n óngelök mit eine boeat. Daobie zówwe twieë luuj 't water in gevalle zeen. Bie de Mergeldiek vónj m'n 'ne verletsdjen opvarendje daen me drek euverbrach nao 't krankegestich, meh zoeawaal 't buuetjen es de twieë anger opvarendje kós m'n aevel neet vinje.
De pliesse begóste mitte brandjwaer ezaoterdig mit 't zeuke veur die twieë men. Me vónj de boeat smiddis bie de oetmunjing vannen Aje Maas bie Heie. Ouch trof me dao de liever aan. De pliessen höbbe noe 'n vorsjing ingestaldj veur oet te kónne vinje waat zich prónt aaf haet gespeeldj. Dinkelik is hie kal van 'n óngelök.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.