Twieë deven opgepak veur 't aopbraeke van parkeerautomate

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 10 september 2020 - Twieë manskaerele zeen dore pliessen opgepak veur 't perbere parkeerautomaten aop te braeken in Vinlo en Remunj.

Róndj 00:45 oere kwaam bieje pliessen inne nach van dinsdig op goonsdig 'n meljing aan det emes mit e braekiezer 'ne parkeerautomaat ane Stadswei in Remunj waas 'nt bewirke veur 'm aop te kriege. Deze miens zów neet allein hanjele. Wiejerop stóng e vieftal oppen oetkiek. Wie de pliessewage dao te plaats koom, rendje die allemaol eweg. Nao 'n korte achtervolging kóste de pliessen eine verdachdjen aanhaje. Deze woort identificeerd es 'ne neugenentwintjigjäörige manskaerel sónger bekandje woonplaats.

Die zelvendje nach veel get saortgelieks ouch veur in Vinlo. Róndj 3:00 oere huuerde emes 't kepotgaon van glaas bie e deil graasj ane Doctor Marie Curiestraot. Ouch hie verzóch 'ne manskaerel 'ne parkeerautomaat aop te braeke. Wie de pliesse dao te plaats koom, loge gestaole spöller oete graasj dao oppe gróndj. Mit 'ne speurhóndj woort de verdachdje later ouch lokaliseerd. Dezen haw zich inne struuk langs de Maas op versjaole. Deze manskaerel woort identificeerd es 'ne zevenentwintjigjäörige manskaerel; ouch hae sónger bekandje woonplaats.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.